ن لیگ کے حامیوں کی کسان اتحاد کے کارکنوں پر فائرنگ

بورے والااپڈیٹس نیوز(چوہدری اصغر علی جاوید سے)مسلم لیگ(ن)کے حامیوں کی کسان اتحاد کے کارکنوں پر فائرنگ،ایک کارکن جاں بحق،چار شدید زخمی،(ن)لیگ والوں نے کونسلر کا الیکشن ہارنے کا بدلہ لیا ہے،کسان اتحاد کے کارکنوں کا موقف، تفصیلات کے مطابق گذشتہ روز بلدیاتی انتخابات کے دوران یونین کونسل نمبر58کے گاﺅں 301ای بی کے وارڈ سے پاکستان کسان اتحاد کے امیدوار فوجی عبدالحمید جٹ نے (ن)لیگ کے امیدوار محمد امین آرائیں کو شکست دیدی تھی آج کسان اتحاد کے فوجی عبدالحمید جٹ کے حامی اُسکے دفتر موجود تھے کہ (ن)لیگ کے ہارنے والے امیدوار کے بھائی غلام حسین آرائیں نے اپنے دیگر ساتھیوں صادق حسین،عاشق حسین،رفاقت علی،متہاب علی اور سیف وغیرہ نے آکر پاکستان کسان اتحاد کے کارکن شاہد محمود ولد حاکم علی کو قتل جبکہ تصور حسین اُنکے بھائی محمد نعیم اور محمد وقاص سمیت4افراد کو شدید زخمی کر دیا ملزمان فائرنگ کرتے ہوئے فرار ہو گئے زخمیوں کو تحصیل تحصیل ہیڈ کوارٹر ہسپتال بورے والا منتقل کر دیا گیا پاکستان کسان اتحاد کے کارکنوں نے کہا ہے کہ (ن)لیگ کے اپنی شکست کا بدلہ لینے کے لیے ہمارے کارکنوں پر فائرنگ کی ہے جو کہ کھلی دہشت گردی ہے۔

پولیس نے ساجد شریف سمیت سات نامزد افراد کے خلاف مقدمہ درج کر لیا

بورے والااپڈیٹس نیوز(چوہدری اصغر علی جاوید سے)تھانہ سٹی پولیس بورے والا نے مسلم لیگ (ن) کے نو منتخب کو نسلر وارڈ نمبر29بلدیہ بورے والا سردار فیض احمد ڈوگر کے انتخابی کیمپ میں اندھا دھند فائرنگ کر کے اس کے بیٹے سمیت شار افراد کو زخمی کرنے کے الزام میں پی ٹی آئی کے ضلعی رہنماءچوہدری ساجد شریف آرائیں اور ا ن کے بھائی امیدوار کونسلر سرفراذ شریف سمیت سات نامزد اور پندرہ نامعلوم افراد کے خلاف سنگین فوجداری دفات کے تحت مقدمہ درج کر لیا،تفصیلات کے مطابق نو منتخب کونسلر فیض احمد ڈوگر نے اپنی درخواست میں بتا یا کہ گذشتہ شام سات بجے جب پولنگ ختم ہوئی وہ اپنے حامیوں کے ہمراہ رزلٹ کے انتظار میں مسجد چوک چک نمبر435ای بی میں اپنے الیکشن کیمپ میں بیٹھے ہو ئے تھے کہ اچانک میرے مخالف امیدوار سرفراز شریف ان کے بھائی چوہدری ساجد شریف نے اپنے ساتھیوں ساجد محمود،عاصم مختار،انوار گجر،ولی محمد گجر،کاشف بٹ اور نثاراحمد جٹ کے ہمراہ آتشیں اسلحہ سے اندھا دھند فائرنگ کر کے دہشت پھیلا دی فائرنگ سے میرا بیٹا شہباز احمد ڈوگر اور دیگر تین ورکر شدید زخمی ہو گئے ملزمان فائرنگ کرتے ہوئے فرار ہو گئے پولیس تھانہ سٹی بورے والا نے زیر دفعہ 324،148،149اور 7.A.T.Aکے تحت مقدمہ درج کر کے تفتیش شروع کردی ہے اور ملزمان کی گرفتار ی کے لئے چھاپے مارنے شروع کر دئیے ہیں۔

میونسپل کمیٹی کے حلقوں سے دو باپ بیٹا اور دو حقیقی بھائی بھی کامیاب

بورے والااپڈیٹس نیوز(چوہدری اصغر علی جاوید سے)بلدیاتی الیکشن میں میونسپل کمیٹی کے حلقوں سے دو باپ بیٹا اور دو حقیقی بھائی بھی کامیاب،تفصیلات کے مطابق بلدیاتی انتخابات میں میونسپل کمیٹی کے 36حلقوں میں سے چار حلقے ایسے بھی ہیں جن میں سے دو حلقوں وارڈ نمبر7سے افتخار احمد بھٹی جبکہ وارڈ نمبر 13سے اُنکے والد حاجی عبدالغفار بھٹی آزاد حیثیت سے کونسلر منتخب ہو گئے اسی طرح وارڈ نمبر5سے سابق ناظم عبدالجبار بٹ آزاد حیثیت میں اور اُنکے چھوٹے بھائی عبدالغفار بٹ مسلم لیگ(ن)کے ٹکٹ پر کونسلر منتخب ہو گئے سابق ناظمین حاجی مبین احمد بھٹی،پیر بختیار عالم چشتی،سابق نائب ناظمین محمد رمضان بھولو بھٹی،حاجی پرویز احمد بھٹی اور مسلم لیگ(ن)کے بزرگ سیاسی راہنما بورے والا کی معروف سماجی شخصیت چاچا محمد اسلم بھی اپنے اپنے حلقوں سے کامیابی حاصل نہ کر سکے۔

چور شاہ فیض کالونی سے ٹرانسفارمر چوری کرکے فرار

بورے والااپڈیٹس نیوز(چوہدری اصغر علی جاوید سے)نامعلوم چور شاہ فیض کالونی سے ٹرانسفارمر چوری کرکے فرار،پورا علاقہ کئی گھنٹے تاریکی میں دوبا رہا،ایکسئین بورے والا کے نوٹس لینے پر متبادل ٹرانسفارمر نصب،تفصیلات کے مطابق گذشتہ شب نامعلوم چور شاہ فیض کالونی میں نصب200کے وی اے کا ٹرانسفارمر مین سپلائی کاٹ کر اُتار لے گئے جس سے پورا علاقہ کئی گھنٹے تاریکی میں ڈوبا رہا اور اسکی اطلاع ایکسئین میپکو رانا محمد ایوب کو دی گئی جنہوں نے اس کانوٹس لیتے ہوئے متبادل ٹرانسفارمر نصب کروا کے علاوہ میں بجلی کی سپلائی بحال کروا دی ایکسئین بحال کروانے پر اہل علاقہ نے اُنکا شکریہ ادا کیا واپڈا نے نامعلوم افراد کے خلاف تھانہ سٹی میں ٹرانسفارمر چوری کا مقدمہ درج کروا دیا۔

دھرنوں کی سیاست نے ملکی ترقی میں رکاوٹ ڈالنے کے سوا عوام کو کچھ نہیں دیا ۔ چوہدری ارشاد

بورے والااپڈیٹس نیوز(چوہدری اصغر علی جاوید سے)مسلم لیگ(ن)کے رکن پنجاب اسمبلی چوہدری ارشاد احمد آرائیں نے کہا ہے کہ مسلم لیگ(ن)بلدیاتی انتخابات میں بھاری اکثریت سے کامیابی حاصل کرکے نچلی سطح پر عوام کے مسائل کو پہلے سے زیادہ وسائل بروئے کار لائے گی لوٹ گھسوٹ کی سیاست کرنے والوں نے سابقہ دور میں بلدیاتی اداروں میں کرپشن کی انتہا کر دی تھی اور عوام مسائل حل کرنے کی بجائے انہوں نے اپنے ذاتی اثاثوں میں اضافہ کیا جبکہ دھرنوں کی سیاست نے ملکی ترقی میں رکاوٹ ڈالنے کے سوا عوام کو کچھ نہیں دیا 31اکتوبر کو عوام لوٹ گھسوٹ اور دھرنوں کی سیاست کو مسترد کرکے مسلم لیگ(ن)پر اعتماد کا اظہار اکریں گے اور انشاءاللہ ہمارے امیدوار کلین سویپ کریں گے،ان خیالات کا اظہار انہوں نے وارڈ نمبر7سے(ن)لیگ کے امیدوار حاجی مبین احمد بھٹی کی انتخابی کارنر میٹنگ سے خطاب کرتے ہوئے کیا کارنرمیٹنگ سے امیدوار حاجی مبین احمد بھٹی،مہر سجاد احمد بوٹا،مہر شبیر حسین،عبدالحفیظ تبسم اور دیگر مقررین نے بھی خطاب کیا اس موقع پر باﺅ عبدالرشید بھٹی،حاجی سعید احمد بھٹی،حاجی عمر سعید بھٹی اور دیگر نمائندہ شخصیات بھی موجود تھیں۔

شہری حلقہ میں امیدواروں کے دفاتر میں گہما گہمی عروج پر پہنچ گئی

بورے والااپڈیٹس نیوز(چوہدری اصغر علی جاوید سے)بلدیاتی الیکشن کیلئے امیدواروں کی انتخابی مہم آخری مرحلے میں داخل ہو گئی،شہری حلقہ میں امیدواروں کے دفاتر میں گہما گہمی عروج پر پہنچ گئی،ووٹرز کی چائے،مٹھائی اور کھانوں سے تواضع،اندرون خانہ ووٹرز کی خریداری بھی جاری،امیدواروں کے اخراجات نے انتخابی ضابطہ اخلاق کی دھجیاں بکھیر دیں،ریٹرننگ افسران اور الیکشن کمیشن نے آنکھیں بند کر لیں،تفصیلات کے مطابق بورے والا شہر کے وارڈز اور یونین کونسل کے بلدیاتی امیدواروں کی انتخابی مہم آخری مرحلے میں داخل ہو گئی جلسے جلوس اور ریلیوں کا سلسلہ عروج پر پہنچ گیا امیدواروں کے دفاتر میں ووٹرز کیلئے پرتکلیف کھانوں،مٹھائی،چائے اور سموسوں سے تواضع کا سلسہ جاری ہے جبکہ بیشتر حلقوں میں اندرون خانہ امیدواروں کے کارندے ووٹرز کی خریداری بھی کر رہے ہیں امیدواروں کے اخراجات اور ووٹرز کی خریداری سے انتخابی ضابطہ اخلاق کی دھجیاں بکھیری جا رہی ہیں یہ سب کچھ دیکھتے ہوئے الیکشن کمیشن نے آنکھیں بند کر رکھی ہیں اندرون شہر امیدواروں کے انتخابی دفاتر میں شادی کا سماں ہے ووٹرز کی جانب سے ہر امیدوار کو ووٹ کے لیے حامی بھرنا امیدواروں کے لیے پریشانی کا باعث بن چکا ہے ووٹرز کی منافقت عروج پر پہنچ گئی ہے۔

تحریک انصاف کے قائدعمران خان کے نظریے کوکامیاب کرکے ایسے لوگوں کا محاسبہ کرنا عوام کا فرض ہے ۔ قربان چوہان

 بورے والااپڈیٹس نیوز(چوہدری اصغر علی جاوید سے)پاکستان تحریک انصاف کے راہنما سابق ممبر قومی اسمبلی چوہدری قربان علی چوہان نے کہا ہے کہ بلدیاتی انتخابات لوگوں کو ملک میں تبدیلی لانے کا ایک موقع ملاہے ملک میں 35سال سے برسراقتدار حکمران جماعت نے ملک میں مہنگائی،لوڈ شیڈ نگ ،دہشت گردی اور بے روزگاری کو فروغ دیا ہے تحریک انصاف کے قائدعمران خان کے نظریے کوکامیاب کرکے ایسے لوگوں کا محاسبہ کرنا عوام کا فرض ہے،ان خیالا ت کا اظہار انہوں نے گذشتہ شب سیٹلائٹ ٹاﺅن بورے والا کے تحریک انصاف کے امیدوار کونسلر حلقہ 28چوہدری ماجد باری چوہان کی انتخابی مہم کے سلسلہ میں دئیے گئے عشائیہ سے خطاب کرتے ہوئے کیا تقریب سے تحریک انصاف کے رہنماﺅں سابق ایم پی اے چوہدری خالد محمود چوہان ،چوہدری ساجد شریف ،رانا محمد مظفر خان اور نامزد امیدوار چوہدری شاہد باری چوہان سمیت دیگر مقررین نے بھی خطاب کیا چوہدری قربان علی چوہان نے کہا کہ انہوں نے اپنے تین سالہ مختصر دور اقتدار میں بورے والا میں سڑکوں کی کشادگی ،تعلیمی اداروں(ڈی پی ایس)،مواصلات کی سہولتوں اور بے روزگاری کے خاتمہ کے لئے دوکانوں وغیرہ کی تعمیرپر کروڑوں روپے کے فنڈز صرف کئے جس کی ماضی میں اور اب بھی کوئی مثال نہیں ملتی چوہدری خالد محمود چوہان اور چوہدری ساجد شریف نے خطاب کرتے ہوئے کہا کہ تحریک انصاف کے قائد جناب عمران خان نے ملک میں تبدیلی نظام کا جو مشن شروع کیا ہے ہم سب مل کر اُسے کامیاب بنانے کے لئے تحریک انصاف کے امیدواروں کی کامیابی کو یقینی بنائیں اور 31اگست کے روز بلا نشان پر مہر لگائیں امیدوار کونسلر چوہدری ماجد باری چوہان نے خطاب کرتے ہوئے اس حلقے کی نمائندگی کے لئے ٹکٹ جاری کرنے پر تحریک انصاف کے راہنماﺅں کا شکریہ ادا کیا اور کہا کہ وہ اس حلقے کی پسماندگی دورکرنے کے لئے تما م وسائل بروئے کار لائیں گے سیٹلائٹ ٹاﺅن میں ڈسپنسری کا قیام شکستہ سڑکوں کی تعمیر اور نئے واٹر فلٹریشن پلانٹ کی تنصیب میری اولین ترجیح ہو گی عشائیہ تقریب میں تحریک انصاف کے رہنماﺅں میں منظور احمد جنت عزیز ہسپتال والے،چوہدری اعجاز اسلم،چوہدری ذوالفقار علی چوہان،چوہدری شاہد باری چوہان،چوہدری محمد رشید سومی گو جر،سردار لیاقت علی ڈوگر،سردار خلیل احمد پنوں ڈوگر،چوہدری محمد شفیق گوجر،چوہدری محمد اشفاق گوجر،چوہدری سردار احمد گوجر،ارشاد احمدچوہان،چوہدری طاہر جاوید گوجر،چوہدری محمداقبال گوجرایڈووکیٹ،چوہدری سعید نیاز گوجر،شاہد کمال چوہان،چوہدری محمد فیاض چوہان،ملک آفتاب احمد لنگڑیال،چوہدری مقصود احمد گوجر کے علاوہ پیپلزپارٹی کے تحصیل صدر سردار احسن سلیم بھٹی سمیت سینکڑوں افراد نے شرکت کی۔

Burewala's First Online News Website

Follow

Get every new post delivered to your Inbox.

Join 96 other followers