سانحہ پشاور کے شہداءکے لئے تعلیمی اداروں میں دعائیہ تقاریب،گول چوک میں شمعیں روشن

بورے والااپڈیٹس نیوز(بیوروچیف چوہدری اصغر علی جاوید)سانحہ پشاور میں معصوم بچوں اور اساتذہ کی شہادت کے المناک واقعہ پر مختلف تعلیمی اداروں میں دعائیہ تقاریب اور قرآن خوانی کی گئی جبکہ شہداءپشاور کی یاد میں گول چوک میں شمعیں بھی روشن کی گئیں اس سلسلہ میں گورنمنٹ گرلز ہائی سکول مدینہ کالونی میں ہیڈمسٹریس سجیلہ نسیم نے دعائیہ تقریب منعقد کروائی تقریب سے خطاب کرتے ہوئے ہیڈمسٹریس سجیلہ نسیم نے کہا کہ معصوم بچوں اور معلمات کو بے دردی سے قتل کرنے والے انسان کہلانے کے قابل نہیں دہشت گردوں کی ان مذموم کاروائیوں سے ہمارے حوصلے پست نہیںہونگے اور پوری قوم ان سفاک دہشت گردوں کے خاتمہ کیلئے اب پوری طرح متحد ہے دریں اثناءدی پنجاب گروپ آف کالجز کے مقامی پرنسپل مجید اکبر کی ہدایت پر بورے والا سمیت ضلع بھر میں پنجاب کالجز اور الائیڈ سکولوں میں شہداءآرمی پبلک سکول کی غائبانہ نماز جنازہ ادا کی گئی اور ان کے ایصال ثواب اور درجات کی بلندی کے لیے قرآن خوانی کروائی گئی جس میں ہزاروں طلباءو طالبات اور اساتذہ نے شرکت کی دریں اثناءپاکستان تحریک انصاف کے راہنماﺅں حاجی شہباز احمد ڈوگر،چوہدری اعجاز اسلم،میاں تجمل شبیر آرائیں،مسلم لیگ (ق)کے ضلعی صدر چوہدری احسان ا للہ چیمہ،یوتھ ونگ کے ڈویژنل جنرل سیکرٹری ملک شکیل اعوان،تحصیل صدر ندیم مختار جٹ،پاکستان عوامی تحریک کے سٹی صدر افضال طاہر بھٹی اور سپیریئر کالج کے پرنسپل محسن مبارک کی قیادت میں سیاسی کارکنان اور کالج کے طلباءنے گول چوک میں سانحہ پشاور کے شہداءکی یاد میں شمعیں روشن کیں اور انکی ارواح کے ایصال ثواب کے لئے خصوصی دعا بھی کروائی گئی۔

خواتین پر تشدد کے رجحان کے خاتمہ میں رویوں کی تبدیلی بنیادی کردار ادا کرتی ہے – پروفیسر راشد سدھو

 بورے والااپڈیٹس نیوز(بیوروچیف چوہدری اصغر علی جاوید)گورنمنٹ پوسٹ گریجوایٹ کالج بورے والا کے وائس پرنسپل معروف دانشور پروفیسر راشد سدھو نے کہا ہے کہ خواتین پر تشدد کسی بھی مہذب معاشرے میں قابل نفرت جرم ہے عورت کا اسلام میں ایک بلند مقام ہے خواتین پر تشدد کے رجحان کے خاتمہ میں ہمارے رویوں کی تبدیلی بنیادی کردار ادا کرتی ہے جب تک پوری قوم کی ذہنی تربیت نہیں ہو گی اور تعلیمی شعور بیدار نہیں ہو گا ایسی معاشرتی برائیوں کا خاتمہ ممکن نہیں،ان خیالات کا اظہار انہوں نے ایس پی او کے تعاون سے آواز تحصیل فورم کے زیر اہتمام الیکٹرانک میڈیا رپورٹر ایسوسی ایشن بورے والا کے آفس میں”خواتین پر تشدد کے واقعات اور اداروں کا کردار“کے عنوان سے منعقدہ سیمینار سے خطاب کرتے ہوئے کیا سیمینار سے خطاب کرتے ہوئے ضلعی چیئرمین سی پی ایل سی سہیل صابر چوہدری نے کہا کہ ہمارے ملک میںقانون کی عملداری نہ ہونے کے برابر ہے اور ہمارا عدالتی نظام مجرم کو تحفظ دیتا ہے جس کی وجہ سے جرائم میں اضافہ اور معاشرتی بگاڑ پیدا ہو رہا ہے خواتین پر تشدد کے خاتمہ اور اُنکے حقوق کا تحفظ کرنا حکومت کے ساتھ ساتھ ہر شخص کی ذمہ داری ہے سیمینار سے اپنے خطاب میں میڈیکل سپرٹینڈنٹ ڈاکٹر رانا محمد اکرم نے کہا کہ عورتوں پر تشدد تمام طبقات میں موجود ہے جس کے طبی،نفسیاتی اور معاشی اثرات مرتب ہوتے ہیں خواتین پر تشدد کے اثرات بچوں پر بہت زیادہ پڑتے ہیں اور پورا خاندان نفسیاتی مسائل سے دوچار ہو جاتا ہے اس لیے ہمیں سب کو ملکر اس برائی کو ختم کرنا ہو گا سیمینار سے آواز تحصیل فورم کے جنرل سیکرٹری محمد شیر خاں کھچی،صدر مرزا طارق محمود،چوہدری فیاض عظیم،ممبر ڈسٹرکٹ ایڈوکیسی گروپ محترمہ رضیہ الطاف،مسز رخسانہ عارف اور مسز گریس تھامس نے بھی خطاب کیا جبکہ سیمینار میں سماجی شخصیات ملک محمد صابر اعوان،شاہ محمد نیازی،سابق خاتون کونسلر میڈیم نسرین اشرف،عایشہ خاں،شمائلہ رفیق،روبیہ گل،کنیز فاطمہ اور دیگر افراد نے شرکت کی۔

فوج کے شانہ بشانہ دہشت گردوں کو انجام تک پہنچانے میں ہر قسم کی قربانی دینے کو تیار ہیں ۔ رانا محمد عمران

بورے والااپڈیٹس نیوز(بیوروچیف چوہدری اصغر علی جاوید)آرمی پبلک سکول پشاور میں دہشت گردی کے واقعہ کے خلاف شاہین ویلفیئر سوسائٹی عزیز آباد کے زیر اہتمام سماجی ورکروں نے ایک ریلی نکالی،ریلی کی قیادت سوسائٹی کے صدر رانا محمد عمران نے کی ریلی سے خطاب کرتے ہوئے رانا محمد عمران نے کہا کہ پشاور میں ہونیوالے دہشت گردی کے واقعہ نے پوری قوم کو خواب غفلت سے بیدار کر دیا ہے اور معصوم شہداءنے اپنی جانوں کے نذرانے پیش کرکے پوری قوم کے جذبی ایمانی،جرات اور بہادری کو ایک نیا ولولہ دے دیا ہے اب پوری قوم دہشت گردوں کے خلاف اُٹھ کھڑی ہوئی ہے جن کے خاتمہ تک چین سے نہیں بیٹھے گی پاک فوج کے شانہ بشانہ ان دہشت گردوں کو انجام تک پہنچانے میں ہر قسم کی قربانی دینے کو تیار ہیں ریلی میں حاجی افتخار احمد گجر،ماسٹر منیر مسیح گل،حاجی محمد اقبال قریشی،محمد یونس بھٹی، میاں محمد اکرام،اعجاز الحسن شاہ،ڈاکٹر محمد امجد اور حیدر علی نے بھی شرکت کی۔

سانحہ پشاور سے پوری پاکستانی قوم غم سے نڈھال ہے ۔ احسن سردار بھٹی

بورے والااپڈیٹس نیوز(بیوروچیف چوہدری اصغر علی جاوید)پیپلز پارٹی کے سابق ممبر پنجاب اسمبلی الحاج سردار خالد سلیم بھٹی مرحوم کے صاحبزادے احسن سردار بھٹی کی قیادت میں پیپلز پارٹی،پیپلز یوتھ کے راہنماﺅں اور کارکنوں محمد سعید قریشی،منیر اسلم قدیم،غلام حیدر جٹ،عبدالستار آرائیں،نعیم احمد نعیم،مبین احمد،حافظ راشد ستار،قمر عباس جٹ اور دیگر نے گذشتہ شب سانحہ پشاور کے شہداءکی یاد میں پریس کلب کے باہر شمعیں روشن کیں اور شہداءکی روح کو ایصال ثواب کےلئے فاتح خوانی کی اس موقع پر احسن سردار بھٹی نے خطا ب کر تے ہوئے کہا کہ سانحہ پشاور سے پوری پاکستانی قوم غم سے نڈھال ہے اس دلخراش واقعہ سے انسانیت بھی شرما گئی ہے اور اسکی جتنی بھی مذمت کی جائے وہ کم ہے ملک اس وقت نازک دور سے گزر رہاہے تمام اختلاف بھلا کر قوم کو متحد ہونے کی ضرورت ہے اس وقت پوری قوم پاک فوج کی دہشت گردی کے خاتمہ کےلئے دی جانےوالی قربانیوں کو سلام پیش کر تی ہے اور آپریشن ضرب عضب کی کامیابی کےلئے دعا گو ہے۔

طالبات اور ٹیچرز کو چھیڑنے سے منع کرنے پر مسلح شخص کی سکول کے گیٹ پر اندھا دھند ہوائی فائرنگ

بورے والااپڈیٹس نیوز(بیوروچیف چوہدری اصغر علی جاوید)طالبات اور ٹیچرز کو چھیڑنے سے منع کرنے پر مسلح شخص کی سکول کے گیٹ پر اندھا دھند ہوائی فائرنگ،ملزم اسلحہ سمیت سکول میں داخل ہو گیا،طالبات اور اساتذہ میں خوف و ہراس پھیل گیا،اہل دیہہ کے آنے پر ملزم فرار،تفصیلات کے مطابق نواحی گاﺅں140ای بی کا اوباش نوجوان سیف ا للہ گاﺅں کے گرلز سکول کی طالبات اور معلمات کو سکول آتے جاتے تنگ کرتا تھا منع کرنے پر نوجوان سیف اللہ نے طیش میں آکر آج صبح سویرے سکول کے گیٹ پر آکر اندر داخل ہونے کی کوشش کی جسے سیکورٹی گارڈ نے روکا تو اُس نے اندھا دھند ہوائی فائرنگ کرکے خوف ہراس پھیلا دیا اور اسلحہ لہراتا ہوا سکول میں داخل ہو گیا طالبات اور اساتذہ اُسے دیکھتے ہی خوفزدہ ہو کر کمروں میں چھپ گئیں اسی اثناءمیں اہل دیہہ بھی سکول میں آ گئے جن کو دیکھ کر ملزم موقع سے فرار ہو گیاواقعہ کی اطلاع ملتے ہی پولیس موقع پر پہنچ گئی اور ملزم کی تلاش شروع کر دی۔

سانحہ پشاور پر ہر انسانی آنکھ اشکبار ہے اور دل خون کے آنسو رو رہا ہے ۔ چوہدری نذیر آرائیں

بورے والااپڈیٹس نیوز(بیوروچیف چوہدری اصغر علی جاوید)مسلم لیگ(ن)کے ممبر قومی اسمبلی چوہدری نذیر احمد آرائیں نے کہا ہے کہ سانحہ پشاور پر ہر انسانی آنکھ اشکبار ہے اور دل خون کے آنسو رو رہا ہے اس دل خراش واقع کی جتنی بھی مذمت کی جائے کم ہے،پھول جیسے معصوموں کی شہادت پر پوری دنیا میں غم و غصہ اور سو گ منا یا جا رہا ہے،ان خیالات کا اظہار انہوں نے گذشتہ روز کراچی سے ٹیلی فون پر میڈیاکے نمائندوں سے کرتے ہوئے کیا اس موقع پر چوہدری صغیر احمد رامے،چوہدری ریاض اسلم،مسلم لیگ ٹوبی آر کے راہنما چوہدری محمد اسحاق،منظور بر کت ماڑی والا،ضلعی صدر یوتھ ونگ ترجمان ایم این اے محمد شاہد،سرور نذیر کلاسن،میاں ثناءاللہ،چوہدری سعید بشیر،میاں شہزاد الرحمن،مہر طاہر امجد،عبدا لمجید نمبر دار،حافظ رضوان عابد،عبدالرزاق،فیاض اسلم جمال،محمد قاسم، نوید احمد چوہدری،محمد رمضان اور دیگر بھی موجود تھے چوہدری نذیر احمد نے کہا کہ اس سانحہ پر پوری قوم متحد اور سیسہ پلائی ہوئی دیوار بن گئی ہے تمام محب وطن سیاسی قوتوں نے وزیراعظم میاں نواز شریف کی طر ف سے بلائی گئی آل پارٹیز کانفرنس میں شرکت کرکے دہشت گردی کے خلاف متحد ہونے کا عملی مظاہر ہ کیا ہے انہوں نے کہا کہ اس قومی سانحہ پر پی ٹی آئی کے سر براہ عمران خان کی طر ف سے دہرنے اور احتجاج کو ختم کرنے کے فیصلہ کو قابل تحسین قرار دیا اور کہا کہ اس فیصلے کو تمام سیاسی قوتیں قدر کی نگاہ سے دیکھتی ہیں اور مذاکرات کی ٹیبل ہی تمام مسائل کا حل ہے۔

ٹی ایم اے نے ٹھیکیداروں کو تعمیراتی کام الاٹ کر دیئے گئے

بورے والااپڈیٹس نیوز(بیوروچیف چوہدری اصغر علی جاوید)ٹی ایم اے بورے والا کے ہال میں ٹی ایم او رانا نوید احمد خان،ٹی او ایف ممتاز علی فاروقی اور ٹی آئی او اینڈ ایس عاشق علی کی نگرانی میں گذشتہ روز ترقیاتی منصوبوں میں5کروڑروپے اور 1کروڑ80لاکھ روپے کے ٹینڈر کھولے گئے ٹھیکیداروں کو تعمیراتی کام الاٹ کر دیئے گئے اس موقع پر ڈی سی او اور اے ڈی ایل جی وہاڑی کے نمائندے بھی موجود تھے جبکہ ٹینڈر کھلولنے اور ٹھیکیداروں کو کام الاٹ کرنے کے عمل کے موقع پر ایڈ منسٹریٹر ٹی ایم اے سیف اللہ ساجد نے بھی جا کر مشاہدہ کیا اور اسے تسلی بخش قرار دیا۔

Burewala's First Online News Website

Follow

Get every new post delivered to your Inbox.

Join 5,128 other followers